Халқ депутатлари Ғаллаорол тумани Кенгашининг 2022 йил 22 июлдаги VI-45-132-3-45-K/22-сонли қарорига ўзгартириш ва қўшимчалар киритиш тўғрисида

 Халқ депутатлари Ғаллаорол тумани Кенгашининг 2022 йил
22 июлдаги VI-45-132-3-45-K/22-сонли қарорига ўзгартириш
ва қўшимчалар киритиш тўғрисида

Ўзбекистон Республикаси Олий Мажлиси Сенати Кенгашининг 2022 йил 20 сентябрдаги КҚ-406-IV-сонли “Туман (шаҳар) бюджетлари маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий Низомга ўзгартиш ва қўшимчалар киритиш ҳақида”ги қарори ижросини таъминлаш мақсадида халқ депутатлари Ғаллаорол тумани Кенгаши

ҚАРОР ҚИЛАДИ:

Ўзбекистон Республикаси Олий Мажлиси Сенати Кенгашининг 2022 йил 20 сентябрдаги КҚ-406-IV-сонли “Туман (шаҳар) бюджетлари маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий Низомга ўзгартиш ва қўшимчалар киритиш ҳақида”ги қарори маълумот ва ижро учун қабул қилинсин.

1. Халқ депутатлари Ғаллаорол тумани Кенгашининг 2022 йил 22 июлдаги VI-45-132-3-45-K/22-сонли қарори иловаси “Ғаллаорол тумани бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги Низом” иловага мувофиқ ўзгартирилсин.
2. Жамоатчилик фикри асосида тадбирларни шакллантириш, баҳолаш, танлаб олиш ҳамда ижросини мониторинг қилиш бўйича ишчи комиссиясига мазкур Низом асосида фаолиятини амалга ошириш юклатилсин.
3. Мазкур қарорнинг бажарилишини назорат қилиш халқ депутатлари туман Кенгашининг маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари бўйича доимий комиссияси ҳамда туман ҳокимининг биринчи ўринбосари Т.Қўчқоров зиммаларига юклатилсин.
4. Ушбу қарор қабул қилинган кундан кучга киради.
5. Ушбу қарор Ғаллаорол туман ҳокимлигининг gallaorol.jizzax.uz расмий веб сайти ва “Ғаллаорол овози” газетасида эълон қилинсин.

Ғаллаорол ш,

10 октябр 2022 й.,

№ VI-45-194-3-45-K/22

Халқ депутатлари Ғаллаорол туман Кенгашининг 2022 йил « 10 » октябрдаги VI-45-132-3-45-K/22-сонли қарорига илова

 

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисида

НАМУНАВИЙ  НИЗОМ

1-боб. Умумий қоидалар

Мазкур Намунавий низом туман бюджети маблағларини жамоатчилик фикри асосида шакллантирилган тадбирларга йўналтириш, шунингдек, «Очиқ бюджет» портали орқали жамоатчилик фикри асосида шакллантирилган тадбирларни молиялаштириш тартибини белгилайди.

1. Ушбу Намунавий низомда қуйидаги асосий тушунчалардан фойдаланилади:

жамоатчилик фикри - ушбу Низомда белгиланган тартибда фуқаролар томонидан туманда мавжуд ижтимоий аҳамиятга эга муаммоларни ҳал этишга қаратилган ишларни (хизматларни) мазкур ҳудуд маҳаллий бюджети маблағлари ҳисобидан молиялаштириш бўйича билдирилган таклифлар;

ташаббусли бюджет жараёни - «Очиқ бюджет» ахборот порталида (кейинги ўринларда - Портал) жамоатчилик фикри асосида тадбирларни шакллантириш, уларни саралаш ва овоз бериш жараёни доирасида ғолиб лойиҳаларни аниқлаш ҳамда туман бюджети маблағлари ҳисобидан молиялаштиришни ўз ичига олган жараён;

ғолиб лойиҳа - Порталда овоз бериш жараёни якунларига кўра тўпланган овозлар сони асосида автоматик тарзда танлаб олинган лойиҳа;

фуқаролар ташаббуси жамғармаси - туман ҳокимлигида бюджет ташкилотларининг бюджетдан ташқари жамғармалари шаклида очилган шахсий ғазна ҳисобварағи;

лойиҳаларни амалга ошириш хронологияси - ташаббусли бюджет жараёни доирасида ғолиб деб топилган лойиҳаларни амалга оширишнинг барча босқичларини Портал орқали бевосита фуқароларга кузатиб бориш имкониятини берувчи махсус бўлим;

ишчи комиссия — жамоатчилик фикри асосида шакллантирилган тадбирларни баҳолаш, танлаб олиш ҳамда ижросини мониторинг қилиш бўйича туман ҳокимлиги қошида ташкил этилган комиссия;

онлайн мурожаат — Порталда фуқаролар томонидан савол, шикоят, таклиф ёки қонун бузилиш ҳолатлари юзасидан хабар қолдириш имкониятини берувчи махсус саҳифа.

3. Қуйидагилар жамоатчилик фикри асосида шакллантирилган тадбирларни молиялаштиришга йўналтирилади:

Туман бюджетининг тасдиқланган умумий харажатларининг 5 фоизи;

туман бюджети қўшимча маблағларининг камида 30 фоизи.

4. Жамоатчилик фикри асосида шакллантирилган тадбирларни танлаб олиш ва туман бюджети маблағларини мазкур тадбирларга йўналтириш ушбу Низомнинг
   1-иловасига мувофиқ (схема) амалга оширилади.
5. Жамоатчилик фикри асосида тадбирларни шакллантириш, баҳолаш, танлаб олиш ҳамда ижросини мониторинг қилиш ушбу Низомнинг 2-иловасига мувофиқ намунавий таркибда ташкил этиладиган Ишчи комиссия (кейинги ўринларда — Ишчи комиссия) томонидан амалга оширилади.
6. 5¹. Ташаббусли бюджетлаштириш натижалари бўйича маълумот ушбу Низомнинг 3-иловасига мувофиқ умумлаштирилади.
7. 5². «Фуқаролар ташаббуси жамғармаси»дан тадбирларни молиялаштириш учун йўналтирилган маблағлар юзасидан маълумот ушбу Низомнинг 4-иловасига мувофиқ умумлаштирилади.
8. Туман ҳокимлиги молия бўлими (кейинги ўринларда — ишчи орган) Ишчи комиссиянинг ишчи органи ҳисобланади.
9. Туман бюджетининг тегишли маблағларини жамоатчилик фикри асосида шакллантирилган тадбирларни молиялаштиришга йўналтириш учун туман ҳокимлигида бюджет ташкилотларининг бюджетдан ташқари жамғармалари шаклидаги «Фуқаролар ташаббуси жамғармаси» шахсий ғазна ҳисобварағи (кейинги ўринларда — Жамғарма) очилади.

Бунда ғолиб деб топилган ҳар бир тадбир учун алоҳида маблағлар манбаси «Фуқаролар ташаббуси жамғармаси» бўлган шахсий ғазна ҳисобварағи очилади ва барча харажатлар ушбу ғазна ҳисобварағи орқали амалга оширилади.

8. Туман ҳокимлиги ҳар йилнинг февраль ва июль ойларида туман бюджетининг «Фуқаролар ташаббуси жамғармаси» шахсий ғазна ҳисобварағига йўналтириладиган маблағлар миқдорини белгилаш бўйича таклифни тасдиқлаш учун тегишли халқ депутатлари туман Кенгашига киритади.
9. Жамоатчилик фикри асосида шакллантирилган тадбирларни молиялаштириш учун йўналтириладиган маблағлар жамғармага:

туман бюджетининг тасдиқланган умумий харажатларининг 5 фоизи миқдоридаги маблағларнинг ярмидан кам бўлмаган қисми — мазкур молия йилининг январь ойида, қолган қисми июнь ойида;

туман бюджетининг қўшимча манбалари ҳисобига ажратиладиган миқдори — халқ депутатлари туман Кенгаши қарори қабул қилингандан сўнг уч иш кунида ўтказилади.

10. Жамғарма маблағлари фақатгина жамоатчилик фикри асосида шакллантирилган тадбирларни ҳамда ушбу тадбирларни амалга ошириш билан боғлиқ ҳужжатларни расмийлаштириш (лойиҳа-смета ҳужжатларини ишлаб чиқиш, экспертиза хулосаларини олиш ва бошқалар) билан боғлиқ харажатларни молиялаштиришга йўналтирилади. Мазкур маблағларни бошқа мақсадларга йўналтириш тақиқланади.
11. Тадбирлар учун муайян муддат ўрнатилган бўлса, у ҳолда фойдаланилмай қолган маблағлар тадбирларни ўтказиш муддати тугаганидан кейин ўн иш куни ичида тегишли жамғармага тикланади.

Бунда тадбирларни амалга ошириш ишлари бошланиб, тегишли молия йилида бажарилган ишлар учун маблағлар тўлиқ ўтказиб берилмаган бўлса, тегишли ғазна ҳисоб варағидаги маблағлар жамғармага тикланмайди ва келгуси йилнинг январь ойида пудратчига тўлаб берилади.

Агар йил якунларига кўра расмийлаштирилган шартномага мувофиқ тадбирлар амалга оширилмаган ёки қисман бажарилган бўлса, шартномада белгиланган тадбирларни ҳамда тўловларни келгуси йилда амалга оширишни назарда тутувчи қўшимча келишув расмийлаштирилади.

Бунда ғолиб деб топилган тадбирлар доирасида ҳисобот йили якунларига кўра тўлиқ бажарилмаган ҳоллар учун истисно тариқасида томонлар ўртасида тузилган шартномаларнинг амал қилиш муддатларини келгуси йил якунига қадар узайтириш бўйича шартномларга ўзгартиришлар киритилишига рухсат берилади.

2-боб. Жамоатчилик фикри асосида шакллантирилган

тадбирларни танлаб олиш тартиби

12. Ишчи орган томонидан жамоатчилик фикри асосида шакллантирилган тадбирлар учун назарда тутилган маблағлар миқдори жорий молия йилининг 1 феврали ҳамда 15 июлига қадар «Очиқ бюджет» ахборот портали ва оммавий ахборот воситалари орқали жамоатчиликка етказилади.
13. Жамоатчилик фикри асосида молиялаштириладиган тадбирларнинг рўйхати бўйича таклиф бериш истагини билдирувчи фуқаролар ўзларининг маҳалла ёки тумандаги мавжуд муаммоларни бартараф этиш бўйича таклифларини молия йилининг 20 феврали ва 5 августига қадар «Очиқ бюджет» ахборот порталига жойлаштиради.
14. Жамоатчилик фикри асосида молиялаштириладиган тадбирларнинг рўйхати «Очиқ бюджет» ахборот порталида жойлаштирилган таклифлар асосида шакллантирилади.
15. Таклифлар фуқаролар томонидан республиканинг исталган ҳудуди бўйича ҳар бир жараёнда фақат бир маротаба берилиши мумкин. Бунда таклиф мазмунан ягона ижтимоий муаммони ўзида акс эттириши лозим.
16. Таклиф бериш истагини билдирувчи шахслар белгиланган тартибда «Очиқ бюджет» ахборот порталида рўйхатдан ўтади.
17. Фуқароларда «Очиқ бюджет» ахборот порталидан фойдаланиш имконияти мавжуд бўлмаса, улар ўз таклифларини тегишли маҳалла ёки овулда ташкил этилган «ташаббускорлар бурчаги» орқали қолдиришлари мумкин.
18. Жамоатчилик фикри асосида шакллантириладиган тадбирлар қуйидаги мезонлар асосида танлаб олинади:

туманнинг ижтимоий-иқтисодий хусусиятларидан келиб чиқиб, шунингдек, аҳолидан тушаётган мурожаатлардаги муаммолар;

жамоавий муаммоларни ҳал этишга қаратилганлиги (хиёбонлар, болалар майдончаси барпо этиш, ички йўлларни ва ижтимоий соҳа объектларини таъмирлаш, экологияни яхшилаш, ичимлик суви ва оқова сув билан таъминлаш, кўча чироқларини ўрнатиш (таъмирлаш) ва шу кабилар);

жамоатчилик томонидан билдирилган таклифлар идоравий ёки шахсий хусусиятга эга бўлмаслиги (шахсий автомашина ёки турар жой харид қилиш, тадбиркорлик фаолиятини қўллаб-қувватлаш, маъмурий биноларни таъмирлаш);

бюджет ташкилотини сақлаб туриш билан боғлиқ харажатларни ўзида акс эттирмаслиги (коммунал, алоқа ва Интернет тизими учун тўловлар, шунингдек, канцтовар ва бошқа тез эскирувчи моддий қийматликлар);

маҳаллий давлат ҳокимияти ва давлат органларининг бинолари ва иншоотларини қуриш, таъмирлаш ва жиҳозлаш ишларига, шу жумладан уларнинг бошқа эҳтиёжларини қоплашга қаратилган бўлмаслиги лозим;

кўрсатилган муаммоларни бартараф этиш юзасидан жорий йилда манзилли рўйхат (ҳудудларни ижтимоий-иқтисодий ривожлантириш бўйича дастурлар ёки ташриф баёнлари ва бошқалар)га асосан маблағ ажратиш кўзда тутилган бўлса, ушбу таклифлар асосланган ҳолда қабул қилинмаслиги лозим;

берилган таклифларни амалга оширишнинг умумий қиймати базавий ҳисоблаш миқдорининг 4 минг баробаридан ошмаслиги лозим.

19. Ишчи комиссия таклифларни «Очиқ бюджет» ахборот порталига келиб тушган кундан бошлаб ўн кун муддатда ушбу Низомнинг 15 ва 18-бандларида кўрсатилган мезонларга мувофиқлиги ҳамда тадбирлар амалга оширилиши имкониятларини ўрганади ва таклифларни мезонларга мувофиқ саралаб боради.
20. Танлаб олинган тадбирларни амалга ошириш учун талаб этиладиган маблағнинг дастлабки миқдори тегишлилигига кўра тармоқ корхоналари хулосаси асосида лойиҳа-смета ҳужжатлари бўйича аниқлаштирилади. Тадбир ғолиб деб топилгандан сўнг лойиҳани амалга ошириш бўйича лойиҳа-смета ҳужжатлари ишлаб чиқилади ҳамда тадбирнинг якуний қийматига аниқлик киритилади.

Агар тадбирнинг дастлабки қийматига нисбатан лойиҳа-смета ҳужжатларига кўра якуний қиймати кўпроқни ташкил этса, мазкур ҳолатларда лойиҳани амалга ошириш учун талаб этиладиган қўшимча маблағ туман «Фуқаролар ташаббуси жамғармаси»даги мавжуд ёки келгусида келиб тушадиган маблағлар ҳисобидан қоплаб берилади. Ғолиб деб топилган лойиҳанинг дастлабки қийматидан келиб чиқиб, тадбир доирасида амалга ошириладиган ишлар (товар ва хизматлар) ҳажмини камайтиришга йўл қўйилмайди.

21. Ишчи комиссия томонидан рад этилган таклифлар бўйича таклиф берган шахснинг шахсий кабинетига рад этишнинг асосланган сабаблари тўғрисида хабарнома юборилади.
22. Ишчи орган танлаб олган таклифлар танлаб олинган санадан эътиборан уч иш куни ичида ишчи орган томонидан онлайн овоз беришни ташкил этиш учун «Очиқ бюджет» ахборот порталига жойлаштирилади. Овоз бериш таклифлар жойлаштирилган санадан эътиборан йигирма иш куни давомида ўтказилади.
23. «Очиқ бюджет» ахборот порталида рўйхатдан ўтган ҳар бир шахс «Очиқ бюджет» ахборот порталида жойлаштирилган фақат бир таклифга овоз бериши мумкин.
24. Овоз бериш жараёни якунларига кўра, ҳар бир ҳудудда энг кўп овоз тўплаган таклифлар ғолиб деб топилади ва таклифларга берилган овозлар сонидан келиб чиқиб юқоридан пастга қараб саралаб олинади.

Бунда таклифлар ғолиб деб топилиши учун 10 тадан кам бўлмаган овоз сонига эга бўлиши лозим.

241. 24¹. Ғолиб деб топилган лойиҳаларни амалга оширишда юзага келган техник муаммолар сабабли ёки ушбу лойиҳани амалга ошириш бўйича бошқа манбалар ҳисобидан маблағлар ажратилиши ҳолати кузатилганда мазкур ғолиб деб топилган лойиҳалар «Фуқаролар ташаббуси жамғармаси» ҳисобидан молиялаштирилмайди ва ушбу лойиҳалар учун ажратилиши кўзда тутилган маблағлар «Фуқаролар ташаббуси жамғармаси»га қайта тикланади. Ушбу маблағлар доирасида бошқа ғолиб лойиҳаларни аниқлашга йўл қўйилмайди.
242. Ғолиб деб топилган таклифларни амалга оширишнинг жами қиймати тегишли жамғармада мавжуд маблағлар миқдоридан ошиб кетиши мумкин эмас.

Ғолиблар аниқлангандан сўнг «Фуқаролар ташаббуси жамғармаси»да шаклланган қолдиқ маблағлар ғолиб деб топилган лойиҳаларнинг якуний қийматига аниқлик киритилиши муносабати билан қўшимча талаб этиладиган фарқни қоплашга ёки келгусида ўтказиладиган «Ташаббусли бюджет» жараёнларига йўналтирилади.

251. 25¹. Ғолиб деб топилган лойиҳалар муаллифлари томонидан тадбирларни амалга оширишнинг барча босқичларини кузатиш ҳамда бажарилган ишларни реал-вақт кўринишида баҳолаб бориш имкониятига эга бўлади. Бунда жамоатчилик назорати доирасида фуқаролар тадбирларни кузатиб бориш орқали қонун бузилиши ҳолатлари ёки камчиликлар кузатилганда шикоят тарзида ваколатли органларга мурожаат қилишлари мумкин. Фуқаролар томонидан лойиҳани амалга оширишда бошқа кўринишдаги аралашувларга (пудратчи корхонани аниқлаш ёки ишларни уларнинг ўзлари томонидан амалга оширилиши, лойиҳа-смета ҳужжатларини ишлаб чиқиш ва шу кабилар) йўл қўйилмайди.
252. Ишчи комиссия овоз бериш жараёни якунларига кўра, жамғармадаги маблағлар ҳисобига молиялаштириладиган тадбирлар бўйича таклифларни овоз бериш жараёни якунланган санадан эътиборан бир ҳафта муддатда халқ депутатлари туман Кенгашига кўриб чиқиш учун киритади.

Молиялаштириладиган тадбирлар бўйича таклифларда, қоида тариқасида, объектлар тўғрисидаги маълумотлар (жойлашган жойи, ҳолати, амалга ошириш муддати, буюртмачиси ва бошқалар) кўрсатилади.

27. Ишчи орган халқ депутатлари туман Кенгаши томонидан маъқулланган таклифларни «Очиқ бюджет» ахборот порталида ва оммавий ахборот воситалари орқали эълон қилиб боради.
28. Ишчи комиссия «Очиқ бюджет» ахборот порталига қўшимча равишда қуйидаги маълумотлар:

жамғармадан йўналтирилган маблағлар тақсимоти тўғрисидаги маълумот;

Туман ҳокимлиги Ишчи комиссиянинг ҳар йили туман ҳокими бошчилигида телевизион каналлар орқали «Ташаббусли бюджет» жараёни амалга оширилиши борасида фуқароларга жонли мулоқотни олиб боришни назарда тутувчи дастурда иштирок этишни йўлга қўйсинлар;

жамғармадан йўналтирилган маблағлар бўйича амалга оширилган давлат харидлари тўғрисидаги маълумот;

жамғармадан йўналтирилган маблағларнинг молиялаштирилиши тўғрисидаги маълумот;

жамоатчилик фикри асосида шакллантирилган тадбирлар доирасида амалга оширилган ишлар акс эттирилган видео-ролик ва фото лавҳалар жойлаштирилишини таъминлайди.

Бунда Ишчи комиссия «Очиқ бюджет» ахборот порталига ҳар ойнинг якунлари бўйича кейинги ойнинг 10-кунига қадар маълумотлар, видео-ролик ва фотолавҳалар жойлаштирилишини ҳамда оммавий ахборот воситалари орқали кенг ёритиб борилишини таъминлайди.

29. Жамоатчилик фикри асосида шакллантирилган тадбирларни амалга ошириш бўйича тузилган шартномага ишлар ҳажмининг кўпайиши ёки лойиҳанинг ўзгартирилиши билан боғлиқ ўзгартиришлар киритилишига йўл қўйилмайди.
30. Ишчи комиссия ҳар йили 25 январга қадар ўтган йилда жамоатчилик фикри асосида шакллантирилган тадбирларни молиялаштиришга йўналтирилган маблағлар юзасидан халқ депутатлари туман Кенгашига ҳисобот киритади.
31. Халқ депутатлари туман Кенгаши ҳар йили 1 февралга қадар туман ҳокимлиги томонидан киритилган ўтган йилда жамоатчилик фикри асосида шакллантирилган тадбирларни молиялаштириш учун ажратилган маблағларнинг сарфланиши тўғрисидаги хисоботни тасдиқлайди.
32. Ишчи комиссия ҳар йили 10 февралга қадар ўтган йилда жамоатчилик фикри асосида шакллантирилган тадбирларни молиялаштириш учун ажратилган маблағларнинг сарфланиши юзасидан тасдиқланган ҳисоботни «Очиқ бюджет» ахборот порталига жойлаштиради.
33. 32¹. Туман ҳокимлиги ҳар чорак кейинги ойининг 10 кунига қадар ўзларининг расмий веб-сайтларида мазкур Низомнинг 3 ва 4-иловаларида келтирилган тавсиявий шаклларда ташаббусли бюджетлаштириш натижалари бўйича маълумотларни жойлаштириб боришга масъулдирлар.
34. 32². Ҳудудларда таклифларни саралаб олиш жараёни юзасидан ёки тадбирларни молиялаштириш билан боғлиқ юзага келган низолар Молия вазирлиги томонидан кўриб чиқилади.
35. 32³. Молия вазирлиги ҳар чорак якунларига кўра «Очиқ бюджет» ахборот порталида фуқароларнинг бюджет жараёнига жалб этилиши ҳамда ташаббусли бюджетлаштириш тадбирлари амалга оширилиши самарадорлиги ва натижадорлиги юзасидан давлат ҳокимияти органлари фаолиятини баҳолаб боради.

Баҳолаш тизими «0» баллдан «100» баллгача баҳоланиб, туман ва шаҳарлар ташаббусли бюджетлаштириш жараёнлари натижаларига кўра «яшил», «сариқ» ва «қизил» тоифаларга ажратилади.

Бунда қуйидагилар баҳолаш мезонлари сифатида қўлланилади:

ишчи комиссия томонидан саралаш босқичи ҳаққоний ва сифатли ўтказилишини баҳолаш — лойиҳаларни дастлабки ва якуний қиймати ўртасидаги фарқ, асоссиз рад этилган лойиҳалар ҳамда лойиҳаларни амалга ошириш имконияти тўлиқ ўрганилмаслик натижасида ғолиб бўлган лойиҳаларнинг кейинчалик рад этилиши даражаси
(20 баллгача);

фуқароларнинг бюджет жараёнига жалб этилиши даражаси — тегишли ҳудуд бўйича келиб тушган лойиҳалар ва овоз сонининг мавжуд аҳоли сонига нисбати
(20 баллгача);

«Фуқаролар ташаббуси жамғармаси»га маблағлар ўз вақтида ва тўлиқ ўтказилишини баҳолашда — Жамғармага қўшимча маблағларининг тегишли қисми йўналтирилиши ҳолатидан келиб чиқиб (20 баллгача);

жамоатчилик фикри асосида шаклланган тадбирларни амалга оширишнинг самарадорлиги ва натижадорлигини баҳолашда — «Очиқ бюджет» ахборот порталида «Жамоатчилик назорати» бўлими орқали лойиҳа муаллифлари томонидан бажарилган ишларни сифати ва ҳолатини баҳолаш тизими орқали (20 баллгача);

лойиҳаларни амалга ошириш бўйича буюртмачилар билан тизимли ишлар ташкил этилганлиги даражаси — лойиҳалар молиялаштирилишидан келиб чиқиб, жами ажратилган маблағга нисбатан ўзлаштирилган маблағга нисбати орқали (20 баллгача) баҳолаб борилади.

Ҳар чорак якунларига кўра мезонларга мувофиқ туман ва шаҳарларнинг тўплаган балларидан келиб чиқиб:

71 баллдан 100 баллгача — «яшил ҳудуд»,

55 баллдан 71 баллгача — «сариқ ҳудуд»,

55 баллдан паст бўлганда — «қизил ҳудуд» деб топилади.

«Қизил ҳудуд» деб топилган туман ва шаҳар ҳокимликларининг ташаббусли бюджет жараёни ижроси юзасидан ҳисоботи чорак якунларига кўра Олий Мажлис Сенатида эшитиб борилади.

2¹-боб. «Очиқ бюджет» ахборот портали орқали жамоатчилик фикри шакллантирилган тадбирларни молиялаштириш тартиби

324. 32⁴. Фуқаролар ташаббуси жамғармаси (кейинги ўринларда — Жамғарма) маблағлари фақат Портал орқали ғолиб деб топилган лойиҳаларни молиялаштириш учун сарфланади. Бунда лойиҳада назарда тутилган тадбирлардан ташқари ушбу тадбирларни амалга ошириш бўйича расмийлаштирилиши лозим бўлган ҳужжатлар (тегишли ташкилотларнинг хулосалари, якуний кўрикдан ўтказиш харажатлари ва бошқалар) учун ҳам тўловлар молиялаштирилишига йўл қўйилади.
325. 32⁵. Жамғарма маблағларидан фойдаланиш тегишли халқ депутатлари туман Кенгаши қарори асосида амалга оширилади.
326. 32⁶. Лойиҳаларни кўриб чиқиш ва амалга ошириш бўйича буюртмачи ташкилотлар мазкур Намунавий низомнинг 5-иловасига мувофиқ тарзда белгиланади.
327. 32⁷. Ташаббусли бюджет жараёни доирасида фуқаролар томонидан келиб тушган лойиҳалар Ишчи комиссия томонидан Порталга келиб тушган кундан бошлаб
     10 кун ичида мазкур Низомнинг 5-иловасига мувофиқ лойиҳанинг мазмунан тегишлилиги бўйича буюртмачи корхоналарга (кейинги ўринларда — буюртмачи) юборилади.
328. 32⁸. Буюртмачилар томонидан лойиҳалар қабул қилинган кундан бошлаб 10 иш кунида қонун ҳужжатларида белгиланган мезонларга мувофиқлиги юзасидан лойиҳаларни кўриб чиқади ва Ишчи комиссияга лойиҳаларни қабул қилиш (лойиҳанинг қиймати ва амалга ошириш учун талаб этиладиган қўшимча ҳужжатлар рўйхатини илова қилган ҳолда) ёки асослантирилган ҳолда рад этиш юзасидан хулоса тақдим этади.
329. 32⁹. Ишчи комиссия лойиҳаларни буюртмачилар томонидан тақдим этилган хулосалар асосида овоз бериш босқичига ўтказади.
330. 32¹⁰. Овоз бериш босқичи якунларига кўра лойиҳаларга тўпланган овозлар сонидан келиб чиқиб, Портал томонидан автоматик тарзда «ғолиб» лойиҳалар рўйхати шаклланади.
331. 32¹¹. Ташаббусли бюджет жараёни доирасида овоз бериш босқичи якунлангандан сўнг 7 кун муддатда «ғолиб» деб топилган лойиҳаларни молиялаштириш юзасидан Ишчи комиссия томонидан халқ депутатлари туман Кенгашига қарор лойиҳаси киритилади.
332. 32¹². Қарор лойиҳасига ғолиб деб топилган лойиҳаларни молиялаштириш юзасидан «Манзилли рўйхат» илова қилинади. Манзилли рўйхат қуйидагиларни ўз ичига олади:

ғолиб деб топилган лойиҳанинг Порталдаги хос «ID» рақами;

амалга ошириладиган тадбирларнинг аниқ манзили ёки балансда сақловчи корхонанинг манзили ва номи;

лойиҳада назарда тутилган амалга оширилиши лозим бўлган тадбирларнинг қисқача мазмуни;

тадбирни амалга ошириш учун талаб этиладиган дастлабки маблағ қиймати;

лойиҳани амалга ошириш учун буюртмачи этиб белгиланган корхона;

лойиҳани амалга ошириш учун талаб этиладиган қўшимча ҳужжатлар (биноларни қуриш учун экспертиза ҳужжатлари, ҳокимнинг ер ажратиш тўғрисидаги тегишли қарори, лойиҳа-смета ҳужжатлари ва бошқалар);

агар тадбир бевосита товар ва моддий қийматликлар (хизматлар)ни харид қилиш билан боғлиқ бўлса, ушбу лойиҳалар бўйича мазкур Намунавий низомнинг 6-иловасига мувофиқ шаклда харид қилинадиган товар (хизматлар) реестри (кейинги ўринларда — Реестр) илова қилинади. Бунда реестрда кўзда тутилган харидларнинг жами суммаси Манзилли рўйхатда тегишли лойиҳани молиялаштириш учун кўзда тутилган маблағдан ортиб кетишига йўл қўйилмайди;

харид қилиш тартиб-таомили тури (электрон дўкон, бошланғич нархни пасайтириш учун ўтказиладиган аукцион, энг яхши таклифларни танлаш, тендер ва бошқалар).

3213. 32¹³. Манзилли рўйхат белгиланган тартибда расмийлаштирилиши, жумладан, буюртмачи ташкилотлар тўғри танланиши, Реестр тўғри шакллантирилиши, харид қилиш тартиб-таомили тури ва лойиҳани амалга ошириш аниқ манзили каби маълумотлар тўғри кўрсатилиши учун Ишчи комиссия масъул ҳисобланади.
3214. 32¹⁴. Ғолиб деб топилган лойиҳаларни амалга ошириш учун ер ва бошқа ресурслар ажратилиши, шунингдек, тегишли соҳа инспекцияларининг экспертиза хулосалари талаб этилган ҳолларда, ушбу ресурсларни ажратиш бўйича қарор қабул қилиш ваколатига эга ташкилотларга Манзилли рўйхат тасдиқлангандан сўнг 1 иш кунида туман ҳокимлиги томонидан сўров юборилади.
3215. 32¹⁵. Халқ депутатлари туман Кенгаши томонидан қарор ва манзилли рўйхат тасдиқланганидан сўнг туман ҳокимлиги молия бўлими томонидан ғолиб деб топилган лойиҳаларни молиялаштириш учун буюртмачи ташкилотларга ҳар бир лойиҳа учун алоҳида Молия вазирлиги Ғазначилигида маблағлар манбаси «Фуқаролар ташаббуси жамғармаси» бўлган шахсий ғазна ҳисобварақлари очилади.
3216. 32¹⁶. Очилган шахсий ғазна ҳисобварақларига 3 иш куни ичида Жамғарма ҳисобидан туман ҳокимлиги томонидан ғолиб деб топилган лойиҳалар учун Манзилли рўйхатда назарда тутилган маблағлар ўтказиб берилади.
3217. 32¹⁷. Манзилли рўйхатда назарда тутилган маблағлар тегишли шахсий ғазна ҳисобварақларига ўтказиб берилгандан сўнг буюртмачи ташкилотлар 3 иш кунида товар-моддий бойликлар (ишлар ва хизматлар) харид қилиш учун таъминотчи корхоналарни аниқлаш, қурилиш-таъмирлаш билан боғлиқ тадбирлар бўйича лойиҳа-смета ҳужжатларини шакллантириш ва лойиҳачи корхоналарни аниқлаш бўйича давлат харидлари электрон тизимига эълон жойлаштиради.
3218. 32¹⁸. Қурилиш ва таъмирлаш билан боғлиқ тадбирлар юзасидан лойиҳа-смета ҳужжатларига экспертиза хулосаси олинган кундан бошлаб 1 иш кунида буюртмачи ташкилотлар Манзилли рўйхатда кўрсатилган харид қилиш тартиб-таомили тури бўйича пудратчи корхоналарни аниқлаш чораларини кўради.
3219. 32¹⁹. Ғолиб лойиҳалар амалга ошириш шаклларига кўра қуйидаги турларга бўлинади:

товар-моддий бойликлар (хизматлар) харид қилиш бўйича тадбирлар;

бино ва иншоотларни жорий ёки капитал таъмирлаш (реконструкция қилиш) бўйича тадбирлар;

бино ва иншоотлар қуриш (барпо этиш) бўйича тадбирлар.

2²-боб. Товар-моддий бойликлар (хизматлар) харид қилиш

бўйича тадбирларни молиялаштириш

 

3220. 32²⁰. Товар-моддий бойликлар (хизматлар) харид қилиш бўйича тадбирларни амалга оширишда буюртмачи ташкилот давлат харидлари тўғрисидаги қонун ҳужжатларига мувофиқ моддий қийматликлар (хизматлар)ни етказиб берувчи ёки пудратчиларни аниқлаш:

электрон дўкон орқали;

бошланғич нархни пасайтириш учун ўтказиладиган аукцион орқали;

энг яхши таклифларни танлаш орқали;

қонун ҳужжатларида белгиланган тартибда тўғридан-тўғри шартномалар тузиш орқали давлат харидларини амалга оширади.

3221. 32²¹. Товар-моддий бойликлар (хизматлар) харид қилиш 3220-бандда келтирилган харид қилиш тартиб-таомили тури орқали тартиб ва муддатларда амалга оширилади.
3222. 32²². Ажратилган маблағлар фақат Манзилли рўйхатга илова қилинган Реестрда назарда тутилган товар-моддий қийматликлар (хизматлар)ни харид қилиш учун сарфланади. Бунда реестрга киритилган товар-моддий бойликлар (хизматлар) тури ўзгартирилишига ёки сони оширилишига йўл қўйилмайди.
3223. 32²³. Харид қилиниши назарда тутилган товар-моддий қийматликларни ҳақиқий бозор нархи ғолиб деб топилган лойиҳа учун назарда тутилган маблағдан ортиқ бўлса, ушбу ҳолатда Реестрнинг жами суммасига аниқлик киритилиши мумкин. Бундай ҳолларда етишмаган маблағлар Жамғарма ҳисобидан ажратилиши учун Манзилли рўйхатга тегишли ўзгартиришлар киритиш юзасидан халқ депутатлари туман Кенгаши қарори қабул қилиниши лозим.
3224. 32²⁴. Харид қилинган товар-моддий қийматликлар буюртмачи ташкилот балансига кирим қилинади ва белгиланган тартибда бухгалтерия ҳисоботларида акс эттирилади.
3225. 32²⁵. Буюртмачи ташкилот харид қилинган товар-моддий қийматликларни сақлаб туриш билан боғлиқ харажатларни молиялаштириш юзасидан келгуси молия йили учун бюджет сўровида тегишли маблағлар кўзда тутилишини таъминлайди.
3226. 32²⁶. Умумфойдаланишда бўлган табиий ресурслар билан таъминлаш воситалари (трансформатор, қувурлар, узеллар ва бошқа табиий ресурсларни етказиб беришда қўлланиладиган воситалар)дан фойдаланишда буюртмачи ташкилот мазкур воситаларни ўз балансига кирим қилади ҳамда томонлар ўртасида келишув асосида тегишли эксплуатация корхоналарига фойдаланиш учун беради.

 

2³-боб. Бино ва иншоотларни жорий ёки капитал таъмирлаш (реконструкция қилиш) бўйича тадбирларни амалга ошириш

 

3227. 32²⁷. Мавжуд бино ва иншоотларни жорий ёки капитал таъмирлаш (кейинги ўринларда — таъмирлаш) бўйича тадбирлар буюртмачи ташкилот томонидан «Давлат харидлари тўғрисида»ги Қонунга мувофиқ:

а) таъмирлаш ишларини амалга ошириш учун Манзилли рўйхатда кўрсатилган қўшимча талаб этиладиган ҳужжатларни:

электрон дўкон орқали;

энг яхши таклифларни танлаш орқали;

ягона етказиб берувчилар билан тўғридан-тўғри шаклда;

б) таъмирлаш ишларини амалга оширувчи пудратчи ташкилотларни:

энг яхши таклифларни танлаш орқали амалга оширади.

3228. 32²⁸. Таъмирлаш ишларини амалга ошириш ҳамда тегишли ҳужжатларни расмийлаштириш учун пудратчиларни аниқлаш 32²⁷-бандда келтирилган усуллардан бири орқали қонун ҳужжатларида белгиланган тартиб ва муддатларда амалга оширилади.
3229. 32²⁹. Ажратилган маблағлар фақат Манзилли рўйхатда назарда тутилган тадбирларни амалга ошириш ва ушбу тадбирларни бажариш учун қўшимча талаб этиладиган ҳужжатларни расмийлаштириш харажатларига сарфланиши мумкин. Бунда Манзилли рўйхатда кўрсатилган таъмирлаш ишлари ҳажмининг оширилишига йўл қўйилмайди.
3230. 32³⁰. Таъмирлаш ишларининг ҳақиқий бозор нархи Манзилли рўйхатда назарда тутилган маблағдан ортиқ бўлса, экспертизадан ўтказилган лойиҳа-смета ҳужжатлари ҳамда буюртмачи корхонанинг хулосасига асосан лойиҳанинг амалга ошириш якуний қийматига аниқлик киритилиши мумкин. Бундай ҳолларда қўшимча талаб этиладиган маблағлар Жамғарма ҳисобидан ажратилиши учун Манзилли рўйхатга тегишли ўзгартиришлар киритиш юзасидан халқ депутатлари туман Кенгаши қарори қабул қилиниши лозим.
3231. 32³¹. Таъмирлаш ишлари учун буюртмачи этиб, қоида тариқасида, балансда сақловчи ёки бюджет маблағи тақсимловчи белгиланади. Агар лойиҳанинг амалга ошириш қиймати базавий ҳисоблаш миқдорининг 1000 баробаридан ортиқ бўлса (ички йўлларни таъмирлаш бундан мустасно), буюртмачи этиб Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги «Ягона буюртмачи хизмати» ИК ДУК буюртмачи этиб белгиланиши мумкин.
3232. 32³². Буюртмачи корхона этиб ягона буюртмачи корхоналар белгиланганда ушбу корхона учун туман даражасида махсус ғазна ҳисобварақлари очилиб, «Фуқаролар ташаббуси жамғармаси»дан ғолиб лойиҳани амалга ошириш учун кўзда тутилган маблағлар ўтказиб берилади.
3233. 32³³. Таъмирлаш ишларини амалга ошириш учун ягона буюртмачи корхона ва балансда сақловчи ўртасида битим имзоланади. Битимда лойиҳани амалга ошириш қиймати, амалга ошириладиган ишлар, қабул қилиб олиш муддати ва бошқа техник кўрсаткичлар акс эттирилади.
3234. 32³⁴. Ягона буюртмачи корхоналар томонидан лойиҳани амалга ошириш учун қонун ҳужжатларида белгиланган тартибда пудратчи корхоналар билан шартномалар расмийлаштирилади.
3235. 32³⁵. Таъмирлаш ишлари якунлангандан сўнг таъмирланган объект амалга оширилган ишлар юзасидан тегишли ҳужжат ва хулосалар билан бирга балансда сақловчига топширилади.
3236. 32³⁶. Таъмирлаш ишлари сифатли ва ўз вақтида амалга оширилиши учун жавобгарлик буюртмачи ташкилот зиммасига юклатилади.

2⁴-боб. Бино ва иншоотлар қуриш (барпо этиш) билан боғлиқ тадбирлар

3237. 32³⁷. Жамоатчилик эҳтиёжи учун фуқароларни ижтимоий қўллаб-қувватлашга хизмат қиладиган объектлар, шу жумладан, бино ва иншоотларни қуришда (кейинги ўринларда — қурилиш ишлари) буюртмачи этиб:

қурилиш ишларининг амалга ошириш қиймати базавий ҳисоблаш миқдорининг 1000 бараваригача бўлса, балансда сақловчи корхона томонидан (кейинчалик объектни қабул қилиб олишда тегишли мутахассисларни ёллаган ҳолда уларнинг хулосасини олиш шарти билан);

қурилиш ишларининг амалга ошириш қиймати базавий ҳисоблаш миқдорининг 1000 бараваридан ортиқ бўлса, ягона етказиб берувчи корхоналар белгиланади.

3238. 32³⁸. Балансда сақловчилар буюртмачи сифатида қуриш ишларини амалга оширишда:

а) қурилиш ишларини амалга ошириш учун Манзилли рўйхатда кўрсатилган қўшимча талаб этиладиган ҳужжатларни:

электрон дўкон орқали;

аукцион орқали;

энг яхши таклифларни танлаш орқали;

ягона етказиб берувчилар билан тўғридан-тўғри шаклда;

б) қурилиш ишларини амалга оширувчи пудратчи ташкилотларни:

энг яхши таклифларни танлаш орқали;

тендер орқали аниқлаган ҳолда амалга оширади.

3239. 32³⁹. Ажратилган маблағлар фақат Манзилли рўйхатда назарда тутилган қурилиш ишларини амалга ошириш ва ушбу тадбирларни бажариш учун қўшимча талаб этиладиган ҳужжатларни расмийлаштириш харажатларига сарфланиши мумкин. Бунда Манзилли рўйхатда кўрсатилган қурилиш ишлари ҳажми оширилишига йўл қўйилмайди.
3240. 32⁴⁰. Балансда сақловчилар сифатида буюртмачи белгиланиб ишлар амалга оширилганда қурилиш ишлари якунларига кўра бажарилган ишларни белгиланган техник мезонларга мувофиқлиги юзасидан мутахассислар жалб этилган ҳолда объектлар қабул қилиб олиниши ва фойдаланишга топширилиши лозим.
3241. 32⁴¹. Қурилиш ишларининг ҳақиқий бозор нархи Манзилли рўйхатда назарда тутилган маблағдан ортиқ бўлса, экспертизадан ўтказилган лойиҳа-смета ҳужжатлари ҳамда буюртмачининг хулосасига асосан қурилиш ишларининг якуний қийматига аниқлик киритилиши мумкин. Бундай ҳолларда етишмаган маблағлар Жамғарма ҳисобидан ажратилиши учун Манзилли рўйхатга тегишли ўзгартиришлар киритиш юзасидан халқ депутатлари туман Кенгаши қарори қабул қилиниши лозим.
3242. 32⁴². Буюртмачи корхона этиб ягона буюртмачи корхоналар белгиланганда ушбу корхона учун туман даражасида махсус ғазна ҳисобварақлари очилиб, «Фуқаролар ташаббуси жамғармаси»дан ғолиб лойиҳани амалга ошириш учун кўзда тутилган маблағлар ўтказиб берилади.
3243. 32⁴³. Қурилиш ишларини амалга ошириш учун ягона буюртмачи корхона ва балансда сақловчи ўртасида битим имзоланади. Битимда лойиҳани амалга ошириш қиймати, амалга ошириладиган ишлар, қабул қилиб олиш муддати ва бошқа техник кўрсаткичлар акс эттирилади.
3244. 32⁴⁴. Ягона буюртмачи корхоналар томонидан лойиҳани амалга ошириш учун қонун ҳужжатларида белгиланган тартибда пудратчи корхоналар билан шартномалар расмийлаштирилади.
3245. 32⁴⁵. Қурилиш ишлари якунлангандан сўнг Ягона буюртмачи корхона томонидан янги қурилган объектлар тегишли ҳужжат ва фойдаланишга лойиқ эканлиги юзасидан техник хулосалар билан бирга балансда сақловчига топширилади.
3246. 32⁴⁶. Қурилиш ишлари сифатли ва ўз вақтида амалга оширилиши учун жавобгарлик буюртмачи ташкилот зиммасига юклатилади.

2⁵-боб. Лойиҳаларни амалга оширишда жамоатчилик назоратининг ўрнатилиши

3247. 32⁴⁷. Туман ҳокимликги қошида ташкил этилган Ишчи комиссия томонидан ташаббусли бюджет жараёнлари ижроси юзасидан ҳар чорак якунларига кўра ҳисоботлар ҳокимликнинг расмий веб-сайти ҳамда Портал орқали жамоатчиликка эълон қилиб борилади.
3248. 32⁴⁸. Ғолиб деб топилган лойиҳаларни амалга оширишнинг барча босқичлари фуқаролар учун очиқлигини ва улар томонидан жамоатчилик назорати ўрнатилишини таъминлаш мақсадида Порталда «лойиҳаларни амалга ошириш хронологияси» юритиб борилади.
3249. 32⁴⁹. Ишчи комиссия лойиҳаларни амалга ошириш хронологиясида тегишли маълумотлар белгиланган муддатларда киритилишига ва янгилаб борилишига масъул ҳисобланади.
3250. 32⁵⁰. Лойиҳаларни амалга ошириш хронологияси қуйидаги маълумотларни ўз ичига олади:

буюртмачи ташкилот номи;

лойиҳа учун очилган ҳисобварақ;

лойиҳа учун ажратилган маблағ миқдори;

лойиҳа-смета ва экспертиза ҳужжатлари;

«Давлат харидлари тўғрисида»ги Қонунга мувофиқ ўтказилган танловлар;

пудратчи корхона тўғрисида маълумотлар;

амалга оширилган харажатлар ва расмийлаштирилган шартномалар.

3251. 32⁵¹. Ғолиб деб топилган лойиҳалар муаллифлари томонидан тадбирларни амалга оширишнинг барча босқичларини кузатиш ҳамда бажарилган ишларни реал-вақт кўринишида баҳолаб бориш имкониятига эга бўлади. Бунда жамоатчилик назорати доирасида фуқаролар тадбирларни кузатиб бориш орқали қонун бузилиши ҳолатлари ёки камчиликлар кузатилганда шикоят тарзида ваколатли органларга ёки Портал орқали «онлайн мурожаат» саҳифасига мурожаат қилишлари мумкин.
3252. 32⁵². Ғолиб деб топилган лойиҳа ташаббускорлари томонидан лойиҳани амалга оширишда бошқа кўринишдаги аралашувларга (пудратчи корхонани аниқлаш ёки ишларни уларнинг ўзлари томонидан амалга ошириш, лойиҳа-смета ҳужжатларини ишлаб чиқиш ва шу кабиларга) йўл қўйилмайди.
3253. 32⁵³. Лойиҳалар амалга оширилгандан сўнг ғолиб деб топилган лойиҳалар ташаббускорлари томонидан амалга оширилган ишлар Порталда «Жамоатчилик назорати» бўлими орқали баҳоланади ва бажарилган ишлар юзасидан камчиликлар кузатилганда изоҳлар билдириш ҳамда фото ёки видео материаллар илова қилиш имконияти яратилади.
3254. 32⁵⁴. Лойиҳаларни амалга ошириш давомида ёки ишлар якунлангандан сўнг бажарилган ишлар натижаларига кўра ортиқча тўловлар ёки камомад аниқланган ҳолларда, аниқланган камомад маблағлари тегишлилиги бўйича жамғармага тўлиқ қайта тикланиши таъминланади.

 

3-боб. Якунловчи қоидалар

 

33. Туман бюджетининг жамоатчилик фикри асосида шакллантирилган тадбирларни молиялаштиришга йўналтирилган маблағларининг белгиланган мақсадларда ва самарали фойдаланилиши ҳамда маблағларнинг ажратилиши учун тақдим этиладиган барча ҳужжатларнинг ҳаққонийлигига Ишчи комиссия аъзолари шахсан жавобгар ҳисобланади.
34. Туман бюджетининг жамоатчилик фикри асосида шакллантирилган тадбирларни молиялаштиришга йўналтирилган маблағларининг белгиланган мақсадларда ва самарали фойдаланилиши устидан Ўзбекистон Республикаси Молия вазирлиги ҳузуридаги Давлат молиявий назорати инспекцияси ва унинг ҳудудий бошқармалари томонидан доимий назорат амалга оширилади.
35. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомга
1-ИЛОВА

Жамоатчилик фикри асосида шакллантирилган тадбирларни танлаб олиш ва туман бюджети маблағларини мазкур тадбирларга йўналтириш

СХЕМАСИ

 

Босқичлар		Субъектлар		Тадбирлар		Муддатлар
1-босқич		Туман ҳокимлиги		1. «Фуқаролар ташаббуси жамғармаси» (кейинги ўринларда — Жамғарма) махсус ғазна ҳисобварағига йўналтириладиган маблағлар миқдорини белгилаш бўйича таклифни тасдиқлаш учун тегишли халқ депутатлари туман Кенгашига киритади.		Ҳар чорак якунлари бўйича кейинги чорак иккинчи ойининг 1-кунига қадар
		Халқ депутатлари туман Кенгаши		2. Жамғармага йўналтириладиган маблағлар миқдорини кўриб чиқади ҳамда тасдиқлаш бўйича қарор қабул қилади.		Таклифлар олинган санадан эътиборан уч иш куни ичида
2-босқич		Ишчи орган		Жамоатчилик фикри асосида шакллантирилган тадбирлар учун назарда тутилган маблағлар миқдори «Очиқ бюджет» ахборот портали ва оммавий ахборот воситалари орқали жамоатчиликка етказилади.		Молия йилининг 1 феврали ва 15 июлига қадар
3-босқич		Таклиф бериш истагини билдирувчи фуқаролар		Маҳалла ёки тумандаги мавжуд муаммоларни бартараф этиш бўйича таклифларни «Очиқ бюджет» ахборот порталига жойлаштиради.		Молия йилининг 20 феврали ва 5 августига қадар
4-босқич		Ишчи комиссия		Мезонларга мувофиқлиги ҳамда тадбирлар амалга оширилиши имкониятларини ўрганган ҳолда таклифларни танлаб олади.		«Очиқ бюджет» ахборот порталида таклифларни илгари суриш босқичи якунлангандан сўнг йигирма кун давомида
5-босқич		Ишчи орган		1. Танлаб олган таклифлар овоз беришни ташкил этиш учун «Очиқ бюджет» ахборот порталига жойлаштирилади.		Таклифлар танлаб олинган санадан эътиборан уч иш куни ичида
				2. Жамоатчилик томонидан овоз бериш жараёни ўтказилади.		Таклифлар жойлаштирилган санадан эътиборан йигирма кун давомида
6-босқич		Ишчи комиссия		1. Овоз бериш жараёни якунларига кўра, ҳар бир ҳудудда энг кўп овоз тўплаган таклифлар ғолиб деб топилади ва таклифларга берилган овозлар сонидан келиб чиқиб юқоридан пастга қараб саралаб олинади. 2. Овоз бериш жараёни якунларига кўра, Жамғарма маблағлардан молиялаштириладиган тадбирлар бўйича таклифларни тегишли халқ депутатлари туман  Кенгашига кўриб чиқиш учун киритади.		Овоз бериш жараёни якунланган санадан эътиборан бир ҳафта муддатда
7-босқич		Ишчи орган		Халқ депутатлари туман Кенгаши томонидан маъқулланган таклифларни «Очиқ бюджет» ахборот порталида ва бошқа оммавий ахборот воситалари орқали эълон қилиб боради.		Ҳар ойнинг якунлари бўйича кейинги ойнинг 10-кунига қадар
8-босқич		Ишчи комиссия		Ўтган йилда жамоатчилик фикри асосида шакллантирилган тадбирларни молиялаштиришга йўналтирилган маблағлар юзасидан халқ депутатлари туман Кенгашига ҳисобот киритади.		Ҳар йили 25 январга қадар
9-босқич		Халқ депутатлари туман Кенгаши		Ўтган йилда жамоатчилик фикри асосида шакллантирилган тадбирларни молиялаштириш учун ажратилган маблағларнинг сарфланиши тўғрисидаги ҳисоботни тасдиқлайди.		Ҳар йили 1 февралга қадар
10-босқич		Ишчи комиссия		Ўтган йилда жамоатчилик фикри асосида шакллантирилган тадбирларни молиялаштириш учун ажратилган маблағларнинг сарфланиши юзасидан тасдиқланган ҳисоботни «Очиқ бюджет» ахборот порталига жойлаштиради.		Ҳар йили 10 февралга қадар

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомга
2-ИЛОВА

 

Жамоатчилик фикри асосида тадбирларни шакллантириш, баҳолаш ҳамда уларни туман бюджетининг маблағлари ҳисобидан молиялаштириш мезонларига мослиги мониторингини олиб бориш бўйича ишчи гуруҳнинг

НАМУНАВИЙ ТАРКИБИ

 

Т/р	ФИО	Иш жойи ва лавозими *
1.	Лавозимига кўра	Туман ҳокимининг биринчи ўринбосари, ишчи гуруҳ раҳбари
2.	Лавозимига кўра (келишув асосида)	Туман халқ депутатлари Кенгашининг вакили
3.	Лавозимига кўра	Туман ҳокимининг қурилиш масалалари бўйича ўринбосари
4.	Лавозимига кўра	Туман ҳокими ўринбосари — маҳалла ва оилани қўллаб-қувватлаш бўлими бошлиғи
5.	Лавозимига кўра	Туман ҳокимлиги молия бўлими мудири (вакили)
6.	Лавозимига кўра (келишув асосида)	Туман ҳокимлиги ҳузуридаги Жамоатчилик кенгаши вакили
7.	Лавозимига кўра (келишув асосида)	Нодавлат нотижорат ташкилотларининг вакиллари

 

Изоҳ:

1) заруратга кўра туман ҳокимлиги томонидан ишчи гуруҳ таркибига бошқа мутахассислар ҳам жалб этилиши мумкин;

2) Комиссия аъзолари сони (камида 7 киши) тоқ бўлган таркибда тузилади.

 

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомга
3-ИЛОВА

 

Ғаллаорол туман ташаббусли бюджетлаштириш натижалари бўйича

МАЪЛУМОТ

 

20___ йил _____________ (ой)
Т/р	Кўрсаткич номи	Сумма (минг сўм)
1.	Йил бошига қолдиқ
2.	Ҳисобот даврида «Фуқаролар ташаббуси жамғармаси»га ўтказилган маблағлар
3.	«Фуқаролар ташаббуси жамғармаси»дан тадбирларни молиялаштириш учун йўналтирилган
3.1.	Бажарилган ишлар учун хисобварақлардан молиялаштирилган маблағ
3.2.	Хисобварақлардаги қолдиқ
4.	«Фуқаролар ташаббуси жамғармаси»да қолдиқ маблағ

 

Т/р	Тадбирлар номи	Молиялаштирилган таклиф сони	Кўрсаткичлар
			ўлчов бирлиги	миқдори	сарфланган маблағ
Жами			Х	Х
1.	Ҳудудий ички йўллар		умумий узунлиги
2.	Умумтаълим мактабларини таъмирлаш ва жиҳозлаш		сони
3.	Мактабгача таълим муассасаларини таъмирлаш ва жиҳозлаш		сони
4.	Соғлиқни сақлаш муассасаларини таъмирлаш ва жиҳозлаш		сони
5.	Бошқа ижтимоий соҳа муассасаларини таъмирлаш ва жиҳозлаш		сони
6.	Ичимлик суви таъминотини яхшилаш		умумий узунлиги
7.	Кўча чироқларини ўрнатиш тадбирлари		чироқлар сони
8.	Ҳудудларни тартибга келтириш (ободонлаштириш ва кўкаламзорлаштириш)		тадбир сони
9.	Бошқа тадбирлар		сони

 

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомга
4-ИЛОВА

 

Ғаллаорол туман «Фуқаролар ташаббуси жамғармаси»дан тадбирларни

молиялаштириш учун йўналтирилган маблағлар юзасидан

МАЪЛУМОТ

 

20___ йил _____________ (ой)
Т/р	Тадбирнинг хос рақами (ID)	Жами тўплаган овозлар сони	шундан		Тадбирнинг қисқача мазмуни (соҳаси)	Тадбирнинг молиялаштирилиши (минг сўм)
			онлайн овозлар	офлайн овозлар		Молиялаштириш учун очилган ҳисобварақ	Фуқаро томонидан киритилган тадбирнинг дастлабки қиймати	Тадбирни амалга оширишдаги аниқланган қиймати*	Ажратилган маблағ	Бажарилган ишлар учун тўлаб берилган маблағ	Қолдиқ маблағ
Жами
1.
2.
3.
...

 

* «лойиҳа-смета ҳужжатлари ва экспертиза хулосасига асосан пудратчи корхоналар томонидан таклиф этилган қиймат.»

 

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомга
5-ИЛОВА

 

Ташаббусли бюджет жараёни якунларига кўра ғолиб бўлган лойиҳаларни амалга ошириш бўйича буюртмачи ташкилотлар

рўйхати

 

Т/р	Лойиҳанинг қисқача номи	Балансда сақловчи	Буюртмачи корхона
			харид тадбирлари	таъмирлаш тадбирлари*	қуриш тадбирлари*
1.	Автомобиль йўлларини (пиёдалар йўлакчаси, йўл ўтказгичлар) таъмирлаш билан боғлиқ тадбирлар	туман (шаҳар) ободонлаштириш бошқармаси	х	туман (шаҳар) ободонлаштириш бошқармаси	туман (шаҳар) ободонлаштириш бошқармаси
		Умумфойдаланишдаги йўллар	х	Минтақавий йўлларни таъмирлаш жамғармаси	Минтақавий йўлларни таъмирлаш жамғармаси
2.	Мактабгача таълим ташкилотларини таъмирлаш ва моддий-техника базасини ривожлантириш тадбирлари	Мактабгача таълим бўлими	Мактабгача таълим бўлими	Мактабгача таълим бўлими/ягона буюртмачи корхона	Мактабгача таълим бўлими/ягона буюртмачи корхона
3.	Кўча чироқларини ўрнатиш ёки таъмирлаш (симёғоч ўрнатиш) тадбирлари	туман (шаҳар) ободонлаштириш бошқармаси	туман (шаҳар) ободонлаштириш бошқармаси	туман (шаҳар) ободонлаштириш бошқармаси
4.	Умумтаълим мактабларини таъмирлаш ва моддий-техника базасини ривожлантириш тадбирлари	Халқ таълими бўлими	Халқ таълими бўлими	Халқ таълими бўлими/ягона буюртмачи корхона	Халқ таълими бўлими/ягона буюртмачи корхона
5.	Болалар майдончаларини (ўйингоҳларини) барпо этиш ёки таъмирлаш билан боғлиқ тадбирлар	Маҳалла фуқаролар йиғини	Маҳалла фуқаролар йиғини	Маҳалла фуқаролар йиғини	Маҳалла фуқаролар йиғини/ягона буюртмачи корхона
		Кўп қаватли уйларга хизмат кўрсатиш ширкатлари	Ҳокимлик	Ҳокимлик	Ҳокимлик/ягона буюртмачи корхона
6.	Кўп қаватли уйларни таъмирлаш тадбирлари	Кўп қаватли уйларга хизмат кўрсатиш ширкатлари	х	Ҳокимлик	Ҳокимлик/ягона буюртмачи корхона
7.	Спорт муассасалари ёки соғломлаштириш марказларини таъмирлаш ва моддий-техника базасини ривожлантириш	Барча ҳолларда	Спортни ривожлантириш бўлими	Спортни ривожлантириш бўлими	Спортни ривожлантириш бўлими
8.	Соғлиқни сақлаш муассасаларини таъмирлаш ва моддий-техника базасини ривожлантириш тадбирлари	Тиббиёт бирлашмаси	Тиббиёт бирлашмаси	Тиббиёт бирлашмаси/ягона буюртмачи корхона	Тиббиёт бирлашмаси/ягона буюртмачи корхона
9.	Маҳалла гузари (маҳаллада умумфойдаланишда бўлган бошқа объектлар)ни таъмирлаш-тиклаш билан боғлиқ харажатлар	Маҳалла ва нуронийларни қўллаб-қувватлаш бўлими	Маҳалла ва нуронийларни қўллаб-қувватлаш бўлими	Маҳалла ва нуронийларни қўллаб-қувватлаш бўлими/ягона буюртмачи корхона	Маҳалла ва нуронийларни қўллаб-қувватлаш бўлими/ягона буюртмачи корхона
10.	Дренаж ва ариқ (зовур)ларни тартибга келтириш билан боғлиқ тадбирлар	Ирригация бўлими	х	Ирригация бўлими	Ирригация бўлими
11.	Ободонлаштириш ва кўкаламзорлаштириш (туман ёки шаҳар қиёфасини ўзгартириш) билан боғлиқ тадбирлар	Ободонлаштириш бошқармаси	Ободонлаштириш бошқармаси	Ободонлаштириш бошқармаси	Ободонлаштириш бошқармаси
12.	Қабристонларни тартибга келтириш тадбирлари	Ободонлаштириш бошқармаси	Ободонлаштириш бошқармаси	Ободонлаштириш бошқармаси	Ободонлаштириш бошқармаси
13.	Аҳоли дам олиш масканларини таъмирлаш ёки моддий-техник базасини ривожлантириш билан боғлиқ тадбирлар	Барча ҳолларда	Маданият бўлими	Маданият бўлими/ягона буюртмачи корхона	Маданият бўлими/ягона буюртмачи корхона
14.	Табиий газ таъминоти билан боғлиқ лойиҳалар	Туман газ таъминоти	х	Туман ҳокимлиги	Туман ҳокимлиги
15.	Электр таъминоти, трансформатор ўрнатиш ва таъмирлаш тадбирлари	Ҳудудий электр тармоқлари корхонаси	Туман ҳокимлиги	Туман ҳокимлиги	Туман ҳокимлиги
16.	Ичимлик суви ва оқава сув тизимини яхшилаш билан боғлиқ тадбирлар	Сув таъминоти корхонаси	х	Туман ҳокимлиги	Туман ҳокимлиги
17.	Мусиқа ташкилотларини таъмирлаш ва моддий-техника базасини ривожлантириш тадбирлари	Мусиқа мактаблари	Мусиқа мактаблари	Мусиқа мактаблари/ягона буюртмачи корхона	Мусиқа мактаблари/ягона буюртмачи корхона
18.	Бошқа таълим муассасаларини таъмирлаш ва моддий-техника базасини ривожлантириш тадбирлари	Бюджет маблағларини тақсимловчиси	Бюджет маблағларини тақсимловчи	Бюджет маблағларини тақсимловчи/ягона буюртмачи корхона	Бюджет маблағларини тақсимловчи/ягона буюртмачи корхона
19.	Олий ўқув юртларини таъмирлаш ва моддий-техника базасини ривожлантириш тадбирлари	Олий ўқув юрти	Олий ўқув юрти	Олий ўқув юрти/ягона буюртмачи корхона	Олий ўқув юрти/ягона буюртмачи корхона
20.	Бошқалар	х	Туман ҳокимлиги	Туман ҳокимлиги	Туман ҳокимлиги

 

Изоҳ: Ушбу рўйхатда кўрсатиб ўтилмаган лойиҳаларни амалга ошириш бўйича буюртмачиларни белгилаш халқ депутатлари туман Кенгаши томонидан амалга оширилади.

Ғаллаорол туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисидаги намунавий низомга
6-ИЛОВА

 

Ғаллаорол туман бўйича ўтказилган ташаббусли бюджет жараёни

якунларига кўра ғолиб бўлган ID____________ лойиҳани амалга ошириш

бўйича харид қилинадиган товар (хизматлар)

Реестри

 

				Минг.сўм
Т/р	Товар (хизмат) номи	сони	бозор нархи	Суммаси
1.
2.
3.
4.
5.
...
Лойиҳанинг амалга ошириш жами қиймати*

 

* Манзилли рўйхатда назарда тутилган маблағдан ортиб