"Қудратимиз-дўстлигимизда"

30 июль – Халқлар дўстлиги куни билан Ғаллаорол тумани Маданият марказида байрам тадбири бўлиб ўтди.
Бугун – ушбу қувончли айёмда “Халқлар дўстлиги” фестивали доирасида ўтказилаётган турли маданий-маърифий, спорт ва илмий-амалий тадбирлари туманнинг барча маҳаллаларида ўтказилмоқда.
Туманда истиқомат қилувчи миллатлар ўртасида дўстона алоқалар, азалий қардошлик ва биродарлик анъаналари янги босқичда давом эттирилаётгани халқларимизнинг эзгу орзу-умидлари рўёбга чиқаётганидан далолатдир.
Тадбирда туман Маданият бўлими ходимлари томонидан турли миллат вакилларининг куй-қўшиқлари ҳамда рақсларидан тузилган концерт дастури тадбир иштирокчиларига кўтаринки кайфият улашди.

Ғаллаорол туман ҳокимлиги
Ахборот хизмати