XALQ DEPUTATLARI G’ALLAOROL TUMAN KENGASHINING Q A R O R I

VI-57-116-3-45-K_23                                          “ 19 ” сентябрь 2023-йил

«Очиқ бюджет» ахборот порталида овоз бериш жараёнида ғолиб бўлган ташаббусларга фуқаролар ташаббуси жамғармаси маблағларини йўналтириш тўғрисида

Ўзбекистон Республикаси Президентининг 2021 йил 13 апрелдаги                                               ПҚ-5072-сонли ва Ўзбекистон Республикаси Олий Мажлиси Сенатининг 2022 йил 20 апрелдаги КҚ-406-IV-сон қарори ҳамда Ўзбекистон Республикаси Президентининг 2022 йил 17 ноябрдаги 425-сонли қарорлари ижросини таъминлаш мақсадида, Халқ депутатлари Ғаллаорол туман Кенгаши

ҚАРОР ҚИЛАДИ:

1. Жорий йил 17 июлдан 07 августга қадар openbudget.uz веб сайти орқали мавжуд маҳаллий муаммоларни бартараф этиш мақсадида туманда истиқомат қилувчилар учун аҳамиятга эга бўлган жами 158 та таклифлар билдирилди. 07 августдан 27 августга қадар ушбу таклифларнинг барчаси модерациядан ўтказилиб, натижада 141 та ташаббус овоз бериш учун қабул қилинди. 17 ташаббус турли хил сабабларга кўра рад этилди. 27 августдан
   17 сентябрга қадар 141 та ташаббус овоз бериш жараёнида иштирок этганлиги ҳамда якунда 6 та ташаббус энг кўп овоз тўплаб ғолиб бўлганлиги ҳамда жамғармада 8 226 450 (саккиз миллиард икки юз йигирма олти миллион тўрт юз эллик) минг сўм маблағ шаклланганлиги маълумот учун қабул қилинсин.
2. Ғолиб таклифлар рўйхати иловага мувофиқ тасдиқлансин.
3. Ғолиб бўлган таклифларини молиялаштириш учун “Жиззах минтақавий йўлларга буюртмачи хизмати” ДУК ва “Сув таъминоти ва оқава сув объектлари қурилиши бўйича инжинеринг компанияси” УК Жиззах вилоят ҳудудий бошқармаси этиб белгилансин.
4. Ғаллаорол туман Иқтисодиёт ва молия бўлими (М.Турдимуродов)га “Жиззах минтақавий йўлларга буюртмачи хизмати” ДУК ва “Сув таъминоти ва оқава сув объектлари қурилиши бўйича инжинеринг компанияси” УК Жиззах вилоят ҳудудий бошқармасига Иқтисодиёт ва молия вазирлигининг ДМБАТ дастурида (4017....) шахсий ғазна ҳисобварақлар очган ҳолда тегишли маблағларни ўтказиб бериш, бунда порталда ғолиб деб топилмаган бошқа лойиҳаларни молиялаштирилишига йўл қўймаслик;

- ғолиб бўлган таклифлар тўлиқ молиялаштирилиб бўлингандан сўнг маблағ ортган тақдирда туман ҳокимлиги қошида очилган “Фуқаролар ташаббуси жамғармаси” шахсий ғазна ҳисобварағига қайтариш;

- лойиҳа смета ҳужжатларини ишлаб чиқилишида, лойиҳа амалга ошириш дастлабки қийматидан келиб чиқиб амалга ошириладиган ишлар ҳажмини сунъий равишда кўпайтириш ёки камайтириш ҳолатларига йўл қўйилишини олдини олиш;

- ишлаб чиқилган лойиҳа ҳужжатлари асосида ишларни амалга ошириш бўйича пудратчи корхоналарни аниқлашда “Давлат харидлари тўғрисида”ги Қонунга мувофиқ белгиланган тартибда танловларни ўтказиш ҳамда ушбу жараёнларни барча босқичларини жамоатчилик ҳамда лойиҳа ташаббускорлари хабардорлигида ўтказилишини таъминлаш;

- шартномаларни қисқа муддатларда расмийлаштирган ҳолда пудратчи корхоналарга бўнак тўловларини тўлаб берилишини назоратга олиш ҳамда пудратчи томонидан шартномада кўрсатилган ишлар бажарилган (товар ва хизматлар етказиб берилган) холдагини тўловларнинг қолган қисмини амалга оширилишини назоратга олиш вазифаси юклатилсин.

5. Туман Ғазначилик хизмати бўлими (Б.Саттаров)га шартномаларни рўйхатдан ўтказишда “Давлат ҳаридлари тўғрисида”ги Қонун талабларига қатъий риоя этилганлиги юзасидан дастлабки ва жорий назоратни амалга ошириш ҳамда маблағларни тегишли тартибда молиялаштирилишини таъминласин.
6. Ушбу маблағларни манзилли рўйхатда кўрсатилган тадбирларни молиялаштиришга йўналтирсин ва ушбу маблағларнинг бошқа мақсадларга ишлатилиши таъқиқлансин.
7. Мазкур қарорнинг ижросини назорат қилиш Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси ҳамда туман ҳокимининг биринчи ўринбосари Т.Қўчқоров зиммасига юклатилсин.

Ҳақл депутатлари

Ғаллаорол туман Кенгашининг

2023 йил “____” -  ________даги

_______________ - сонли қарорига

илова

Ғаллаорол туманида 2023 йил 2 - мавсумида жамоатчилик фикри асосида шаклланган тадбирларни молиялаштириш бўйича

МАНЗИЛЛИ РЎЙХАТ