Ижтимоий тармоқларда тарқалган танқидий видео лавҳа юзасидан

Мажбурий ижро бюроси Жиззах вилояти бошқармаси Ахборот хизматининг маълумотига кўра

Мажбурий ижро бюроси Ғаллаорол туман бўлими иш юритувида бўлган Фуқаролик ишлари бўйича Ғаллаорол туманлараро судининг 01.03.2024 йил кунги ижро варақасига асосан даъвогар “Бизнесни ривожлантириш банк” АТБ фойдасига жавобгар «YUKSAK NIXOL» мактабгача таълим муассасасидан 2.033.230.500 сўм кредит қарздорлиги ҳамда 34.000 сўм почта харажати жами 2.033.274.500 сўм кредит қарздорлигини ундириш кўрсатилган.

Ундирув нотариал тасдиқланган гаров шартномаларга асосан:
1. К.Ураловага тегишли бўлган Ғаллаорол тумани, Маданият ҚФЙ ҳудудида жойлашган жарима майдончаси, дам олиш ва қоровулхона тураржой биносига;
2. К.Ураловага тегишли бўлган Ғаллаорол тумани, Маданият ҚФЙ, Қанглиобод шаҳарчаси ҳудудида жойлашган савдо дўконларига;
3. Т.Саттаровга тегишли бўлган Ғаллаорол тумани, Гулистон ҚФЙ, Шерқангли қишлоғи ҳудудида жойлашган уй-жой биносига;
4.  Ш.Холмурадовга тегишли бўлган Ғаллаорол тумани, Маданият ҚФЙ, Маданият қишлоғи ҳудудида жойлашган савдо дўкони биносига ер майдонларидан фойдаланиш ҳуқуқи билан қаратиш тўғрисидаги ижро ишлари 2024 йил 22 апрель куни бўлим иш юритувига келиб тушган ва шу куннинг ўзида Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-86 моддаларига асосланиб ижро иши қўзғатилган.

Суд ҳужжатининг ижросини таъминлаш учун Т.Саттаров ва Ш.Холмурадовга тегишли гаров мулклари жорий йилнинг июнь ойида электрон онлайн-аукцион орқали сотувга чиқарилган бўлса,  К.Уралова тегишли гаров мулкларини  сотувга чиқариш чоралари кўрилмоқда.

Ушбу гаров мулкларининг сотувидан тушган пул маблағлари кредит қарздорлиги учун ўтказилишини маълум қилади.