“Учинчи ренессанс – ёшлар нигоҳида” Ғаллаорол туман босқичи кўрик-танлови ўтказилди.

Республика Маънавият ва маърифат маркази Ғаллаорол тумани бўлинмасининг мажлислар залида ўқувчи ёшлар ва талабалар ўртасида “Учинчи ренессанс – ёшлар нигоҳида” Ғаллаорол туман босқичи кўрик-танлови бўлиб ўтди.
Танлов иштирокчилари томонидан “Аждодлар меросини тарғиб қилишда инновацион ёндашув”, “Мактаб ва олийгоҳда сифатли билим олишдан ўқувчи ва талабаларнинг манфаатдорлигини ошириш учун ўқув жараёни ва методикасини ўзгартириш йўллари” ҳамда “Ёшларни илм-фан ва инновацияларга қизиқтиришнинг ноанъанавий усуллари” номинациялари бўйича тайёрлаган лойиҳа ишлари ҳакамлар ҳайъатига тақдимот этилди.
Танлов якунида ғолиблар Республика Маънавият ва маърифат маркази Ғаллаорол туман бўлинмасининг фахрий ёрлиғи ва эсдалик совғалари билан тақдирланишди.

Ғаллаорол тумани ҳокимлиги

Ахборот хизмати