“Уч авлод учрашуви” ёшларга ҳаёт сабоқларини бермоқда

Ғаллаорл тумани Гулистон ҚФЙ ҳудудидаги 34-умумтаълим мактабида “Уч авлод” учрашуви ташкил этилди. Инсон қадри улуғланаётган юртда бундай учрашувлар ёшларни тафаккур қилишга, юрт истиқболи учун масъулиятли бўлишга ундайди.

Мулоқот давомида ўтган кунларни хотирлаш, бугунги ўзгаришларга шукроналар айтиш - келажак сари катта мақсадлар белгилаб олишга хизмат қилади. Бунёдкорлик ишларига томошабин бўлиб эмас, камарбаста бўлиш, юртимиз тараққиётига даҳлдорлик билан яшаш эса ёшларнинг бурчидир. Кўтаринки кайфият, нуронийлар билан бўлган мулоқотлар ёшларга кўп нарса беради.
Учрашув давомида фахрийлар ҳаёт йўли, соҳа ривожи учун амалга оширган ишлари, бу йўлда учраган машаққатлар ва қийинчиликлари хусусида ёш авлод вакилларига ҳикоя қилиб берди.
Учрашув якунида ёшлар томонидан тадбир иштирокчилари учун ёшлик, бахтли болалик ва ватанни мадҳ этувчи бадиий концерт дастури намойиш этилди.

Ғаллаорол туман ҳокимлиги
Ахборот хизмати