Ижтимоий тармоқларда тарқалган танқидий видео лавҳа юзасидан

Туман ҳокимлигининг Қурилиш, коммуникация, коммунал ҳўжалик, экология ва кўкаламзорлаштириш масалалари котибияти маълумотига кўра.

Ғаллаорол туман йўллардан фойдаланиш унитар корхонаси томонидан хизмат кўрсатиладиган давлат ахамиятидаги 4Р43 "М39 автойўли-Маржонбулоқ қ.-Зармитон қ.-Қушработ қ." автомобиль йўлининг 0-63 км (3-бўлак 41-58 км) оралиғи Ўзбекистон Республикаси Вазирлар Махкамасининг 2008 йил 28 апрелдаги 6-сонли баённомасига асосан мукаммал таъмирлаш дастурига киритилган. Баённомага асосан 2012 йил “ Йўл лойиҳа бюроси” МЧЖ институти томонидан лойиҳа смета хужжатлари ишлаб чиқилган. Лойиҳа смета хужжатлари 19 417.4 млн сўмни ташкил қилади. Бош пудратчи қилиб Ғаллаорол ТЙФУК белгиланиб 2012 йилнинг 5 ноябрида Вазирлавр Маҳкамаси ҳузуридаги Республика Йўл жамғармаси билан № 2-104-12 сонли шартнома тузилган.

Обьектда лойиҳа смета хужжатларига асосан қуйидаги ишлар амалга оширилган:

-2013 йилда йўлнинг 41-58 км оралиғида 4 257,5 млн сўмлик ишлар бажарилиб,  йўл асосига 22 см қалинликда кум- шағал аралашмасидан асос ётқизилган.

-2014 йилда 507,1 млн сўмлик 49 км.даги кўприкни таъмирлаш ишлари бажарилган.

-2015 йилда 850,4 млн сўмлик 41-42 кмларга қумли чақиқ тош чиқарилиб 1,0 кмга қора қоплама ётқизилди. Ҳаракат хавфсизликни таъминлаш бўйича 1- тоифа йўл чети тўсиқлари ўрнатилди.    

-2016 йилда 844,3 млн сўмлик 42-42,75 км оралиғида 0,75 км қора қоплама ётқизилди.

-2017 йилда 197,1 млн сўмлик 42,75-43,25 км оралиғида 0,45 км қора қоплама ётқизилди.

2015-2017 йиллар оралиғида йўлбоп МГО 200/300 маркали битум маҳсулоти танқислиги туфайли обьектда жами 2,2 км узунликда биринчи қатлам қора қоришмали қоплама ётқизилган. Қурилиш бошидан умумий қиймати 6 656,4 млн.  сўмлик қурилиш ишлари бажарилган

2018-2019 йилларда  обьектда таъмирлаш ишлари молиялаштирилмаган.

Шунингдек, 2020 йилда инқирозга қарши курашиш жамғармаси маблағлари ҳисобидан Ўзбекистон Республикаси Президентининг 2020 йил 19 мартдаги ПФ-5969-сонли Фармонига ва Вазирлар Маҳкамасининг 2020 йил 12 майдаги 05-05/1-783 (13) сонли йиғилиш баёнига асосан мазкур автомобиль йўлининг 43,25-45,45 км оралиғида 2,2 км узунликдаги йўлга асфальтобетон ёткизилиб, 3 000,0 млн сўмлик жорий таъмирлаш ишлари бажарилган.

Ҳозирги кунга қадар 4Р43 "М39 автойўли-Маржонбулоқ қ.-Зармитон қ.-Қушработ қ." автомобиль йўлининг 45,45-58,0 км оралиқларидаги қум шағал аралашмасидан иборат қатнов қисмига асфальтобетондан қоплама ётқизиш ишларини амалга ошириш бўйича таклифлар бериб келинмоқда.