Бугун 3-декабр “Халқаро ногиронлар куни” байрами муносабати билан Ғаллаорол тумани Дўстлик маҳалла фуқаролар йиғини ҳудудидаги “Грант” тантаналар масканида туманнинг байрам тадбири ўтказилди.

Туманимизнинг 29 та қишлоқ ва маҳалла фуқаролар йиғинлари ҳудудларидан ташриф буюрган 250 нафар имконияти чекланган юртдошларимиз учун байрам дастурхони ёзилиб, меҳр кўрсатилди. Самимий табриклар билдирилди.

Туман ҳокимлиги, туман маҳалла жамоат фонди, ижтимоий таъминот бўлими томонидан ташкил қилинган байрам совғалари тантанали равишда топширилди.

Имконияти чекланган юртдошларимизга байрамона кайфият улашиш мақсадида туман маданият бўлими томонидан тайёрланган бадиий концерт дастури намойиш этилди.

Ғаллаорол туман ҳокимлиги

Aхборот хизмати