Маҳаллада сайёр қабул ўтказилди

Ғаллаорол тумани "Дўстлик" маҳалла аҳолиси вакилларининг мурожаатлари тингланди.
Бугунги кунда аҳолининг яшаш шароитини яхшилаш, очиқ мулоқот орқали фуқароларни қийнаб келаётган муаммоларга ечим топиш мақсадида Ғаллаорол туман ҳокими, 1-сектор раҳбари Ж.Оқбоев томонидан Дўстлик маҳалласида сайёр қабул ўтказилди.

Ўтказилган сайёр қабулда фуқароларнинг тоза ичимлик суви, ички йўлларни таъмирлаш, атроф муҳит тозалигини сақлаш ва бошқа масалалардаги мурожаатлар қайд этилди.

Ижроси муддат ва масъуллар томонидан қўшимча ўрганиш талаб қилинадиган мурожаатларга муддатлар белгиланиб, масъулларга йўналтирилди ҳамда ижроси назоратга олинди.

Ғаллаорол тумани ҳокимлиги

Ахборот хизмати