35 йиллик Ғаллаорол магистрал газ қувурлари алмаштирилди

1985 йилда қурилган Ду-1020мм бўлган “БГР-ТБА-А” Магистрал газ қувури тизимининг 262-286 км.лари орасидаги газ қувури капитал таъмирланди.

Ушбу магистрал газ қувурларининг юқори тезликдаги поездлар ҳаракатланувчи темир йўл линияси билан кесишган қисмида сўнгги йилларда ички ва ташқи юзаларида емирилишлар (коррозия) мавжудлиги аниқланган эди.

“Трансгазинжиниринг” МЧЖ буюртмасига асосан бош пудратчи EPSILON хорижий компанияси ҳамда ёрдамчи пудратчи PROMATEX МЧЖ томонидан тармоқнинг 263-километридаги темир йўл билан кесишма жойида жами 917 п/м нуқсонли қисми алмаштирилиб, юқори босим остида гидравлик синовдан ўтказилди.